熊蓋站 - 首頁

《  Plurk Twitter 》   

» 您尚未 登入 | 註冊 | 說明 | 娛樂中心 | 點歌 | 聊天留言 | 最新 | 精華 | 論壇 | 資訊 | 首頁 | 影音模式

以文本方式查看主題

-  熊蓋站 (http://localhost/phpwind//index.php)
--  鬼話連篇 (http://localhost/phpwind//thread.php?fid=143&page=2)
--  英國學校的故事 2 (http://localhost/phpwind//read.php?fid=143&tid=24227)
--  作者：NICO
--  發佈時間：2006 02 28 8:53 AM

--  英國學校的故事 2


英國學校的故事 2

Andrew醒返嗰陣時巳經係中午，佢第一見倒嘅就係自己個背囊，仲發覺自己身處嘅地點，就係佢同Eric蕩失路嗰度，但係間屋就唔見咗。起初，Andrew即刻鬆咗口氣，諗住原來發惡夢啫，但係Eric同佢個背囊亦都唔見咗，Andrew諗吓諗吓，又好似唔係發夢喎。佢一時之間都唔知點算好，唯有繼續行。

後尾，總算比佢揾返條路出返啲Town仔度，佢即刻打電話返學校話唔見咗Eric，睇吓學校有冇Eric消息，可惜學校話冇。學校因為怕得返Andrew一個人會有危險，所以又第一時間派部車去接佢。當Andrew返到學校嗰時，啲教職員即刻問佢發生咗乜事，又問點解會走失晒呀？Andrew就原原本本咁講一次，啲教職員當然唔信啦！話Andrew一定係發惡夢啫，仲安慰Andrew，話Eric可能自己走咗先.....。不過就唔多合邏輯，因為Eric冇理由咁衰仔乃低個friend唔理，仲有，一條友行又容易有事.....，橫睇豎睇都有理由。

到咗星期日下午，全世界都到齊集合地點，但就唔見Eric。校學唯有報警，啲差人揾到星期一晚都冇發現。到咗星期二，唯有揾埋Andrew去，睇吓Andrew仲記得啲乜。起初，Andrew帶班差人去到佢最後一次見倒Eric嗰度，又指住一度地方，話應該有間屋係嗰度，但唔知點解又冇咗。啲差人就話、其實佢哋巳經揾過晒附近啲地方，但係都揾唔倒Eric，亦冇發現Andrew口中間屋。

雖然啲差人覺得Andrew講啲嘢唔合邏輯，但係又覺得Andrew唔似亂講嘢。差人唯有再問Andrew，部馬車係邊度衝落崖。因為Andrew上車嗰時個天仲係好黑，所以佢好難認返晒啲路，不過最後總算比佢哋揾到。喺嗰度，啲差人竟然發現倒類似車駛過嘅痕跡，啲差人即刻睇吓個崖底，發現倒個背囊。之後佢哋即刻揸車落去睇，係個背囊附近發現倒Eric條屍，不過就揾唔倒部馬車同嗰個人。最後，因為Andrew口中間屋同部馬車.....等等都揾唔倒，啲警察只有當Eric失足跌死。

而喺Andrew講完呢個經歷比我哋知之後，佢精神就開始出現問題，好似上堂玩口水呀、唔多講嘢.....，總之就痴痴呆呆咁。個學期未完，Andrew啲屋企人就接咗佢返香港，之後我亦都轉咗校，不過就唔係因為呢件事，只係唔鐘意間學校啫。到咗呢件事兩年之後倒，有日喺飛機返香港嘅途中，我撞倒個舊同學，先知Andrew証實患咗精神病，而兩年嚟都仲未醫返好。

v 最新文章        熊蓋站為自由討論論壇，所有個人行為或言論不代表本站立場。文章內容如有涉及侵權請聯絡我們，將立即刪除相關文章資料        v 精華文章

               

奇摩搜尋
完全比對 或 模糊比對

線上收看： 景點即時影像 | 線上查詢： 火車時刻表最上方

    Powered by 熊蓋站  Code © 2005-2025 Plurk Twitter 
讀取秒數Time 0.012227 second(s),query:2 Gzip enabled
   現在時間是 2025-3-13 14:53